肥媽與《中年好聲音3》的三甲黃博、張與辰和劉洋合唱慶回歸。(吳康琦攝)
肥媽(Maria Cordero)今晚(30日)現身紅館擔任「星耀紫荊慶回歸」文藝晚會表演嘉賓，並首次與《中年好聲音3》的三甲黃博、張與辰及劉洋同台合唱《世間始終你好》，她興奮表示，「真係估唔到第一次合作就喺紅館，《有愛常存》同唔同國家嘅小朋友一齊唱，原來首歌咁難唱！」她大讚同台表演的同學仔好厲害。
驚嘆香港好犀利
肥媽深深體驗香港的獨特魅力，自豪表示，「香港真係一個國際都會，相當包容嘅城市，其實我由細到大都已習慣，香港好多地方都接受唔國家同膚色嘅人，而家雖然國語多咗，但仲有唔同語言，包括印尼話、菲律賓話、西班牙文、英文等。」她更表示難以置信，有很多外國朋友將總公司調來香港，「佢哋話香港穩定喎，我自己都唔知，因為我哋係師奶嚟，只睇香港新聞。」她舉例有位侄兒從多哈回港發展，「我真係冇諗過，突然覺得香港好犀利，有種自豪感。」
為《中4》唔接show
談到《中年好聲音4》，肥媽表示已預留日期擔任評審，「我連show都唔接住，留番個期比佢哋，我俾咗個期《中年好聲音4》先，好緊要，喺我屋企我個家嚟！」不過她表示沒有介紹朋友參加，因為要避嫌。至於教《中3》學員煮食，她大爆，「原來金凱煮嘢食好叻，反而劉洋開火鍋店就雞手鴨頸。」她表示教金凱廣東菜，李金凱就教她煮雲南菜。