苑瓊丹成菲律賓穆斯林公主 落機可以行地毯超威

苑瓊丹近日獲菲律賓政府頒「公主」名銜，冊封穆斯林公主，即所有穆斯林國家 都要稱她做苑公主，她表示大家也可以叫她「石榴公主」。

她笑言現時可以叫老公下跪請安：「我都幾開心嘅，如果去大馬等地，申請埋老公做埋拿督，我可以喺機場可以行紅地毯添！正所謂人一世物一世，試吓做公主都唔錯，我真名叫苑麗瓊，英文字係『King』嘛，根本就係皇族嚟嘅，所以買頂皇冠獎勵自己。」她表示自己不時幫人，沒想到會獲得公主提名，更獲菲律賓政府發出證書。

否認息影

早前傳出苑仔「息影」，現在「升呢」做公主，但她仍熱愛工作：「我唔係『息影』，只係唔拍住！分別係息影就唔洗搵我啦，唔拍係可以傾吓，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶翻嚟香港，有時間想開個講健康嘅頻道添。」她表示今年亦計劃開學校，但一切仍在籌備當中。

講到新年願望，苑仔表示今年非常旺，雖然工作忙碌要四圍走，但她仍需花時間專心照顧家中十多隻小狗：「依家有十幾隻狗仔，雖然我成日四圍走，但唔會搬佢地返內地喇，因為香港有兩個工人照顧佢，我返嚟就由公主變翻做奴才追住幫佢地『執金』」。