近日網上瘋傳一條「大馬拿督千金」莊鍶敏在北角一間餐廳公然抽食疑似雪茄的短片。
香港實施室內禁煙已接近20年，違例者將定額罰款港幣1,500元。近日網上瘋傳一條「大馬拿督千金」莊鍶敏在北角一間餐廳公然抽食疑似雪茄的短片。片中見她吞雲吐霧，抽了一口並傳給身邊的男友人，另一條片見男友人再將雪茄傳給另一友人，見莊鍶思心情high爆，邊聽茄子蛋的《浪子回頭》邊搖擺身體跟住唱，極之享受，該網民寫道：「莊思敏and無品friends餐廳食雪茄，係咪當咗自己私竇呀自私X」。
片段流出後引起網民熱議，有人鬧爆她在室內抽煙，行為自私兼犯法，亦有人質疑她抽的是否雪茄還是其他違禁品：「Share得點會係茄？」、「雪茄會Pass？」有網民就笑指：「違法都只不過罰款＄1,500，對拿督千金嚟講濕濕碎。」當大家議論紛紛，莊鍶敏昨晚（13日）突發文疑回應事件，她貼出一個女生的照片，見對方的背景與她身處在同一餐廳，莊鍶敏表示：「我有個朋友仔想認識下呢位靚女。Facebook大神可唔可以做個紅娘，有冇人識呀？」網民都估計該女子是拍片人，疑似被莊鍶敏公審威嚇，而大約2小時後，莊鍶敏亦刪掉了照片。
