那些年嘅YMC台主持，（左起）李穎雯（雯雯）、歐綺霞Monique、啤梨葉文輝以及王志海Brian
唔少80後都有睇過有線專做年青人節目嘅YMC台，一班VJ即使唔係大台藝人都有一定人氣。曾經做過YMC台主持嘅啤梨葉文輝仍然活躍於幕前，日前佢就同多位YMC台舊同事食飯慶生，一張合照可以話係掀起回憶殺。
原來啤梨同呢班舊同事仲不時見面
啤梨post咗一張佢同歐綺霞Monique、王志海Brian以及李穎雯（雯雯）嘅合照。即使YMC台停播多年，但原來啤梨同呢班舊同事仲不時見面。啤梨寫道「都唔記得第幾年同 Monique Brian 雯雯一齊慶祝。今次出嚟見面傾到餐廳閂門再企喺門口繼續傾，講咗10次拜拜都唔捨得走，大家雖然各有各忙但關係依舊，下次再聚又要飛十幾個鐘飛機，一於下次約喺第二個城市等啦。」
相中四人發展各異，啤梨葉文輝現時係新城電台嘅新城廣播網絡電視（MBO TV）台長，Monique退出娛樂圈多年，嫁給年長十多歲的富商丈夫，過著無憂無慮的闊太生活；王志海Brian就有多重身份，身兼戲劇治療師、活動策劃、司儀、主持人等。至於李穎雯（雯雯）已經移居美國，並於當地從事地產行業。
原文刊登於 Yahoo 娛樂圈
立即更新/下載AM730手機APP 體驗升級功能
