GM和葉蒨文今日（5日）出席《2025特戰英豪巴黎全球冠軍賽》拜神儀式，麥玲玲驚喜現身。（娛樂組攝）
曾展望(GM)和葉蒨文(Sophie)今日（5日）出席《2025特戰英豪巴黎全球冠軍賽》拜神儀式，Sophie指與GM有一起打機的習慣，並透露自己打機超過10年：「以前我大學玩得好癲，會打機20幾個鐘唔停手，我仲要自己一個打機。」GM則表示相對上享受與朋友一起打遊戲的樂趣。
葉蒨文指與GM有一起打機的習慣。（娛樂組攝）
GM指葉蒨文見過媽媽
講到會否一起相約慶祝中秋節，他們異口同聲表示要看工作進度而決定。GM透露已經與家人預早慶祝中秋節，不過Sophie因有工作在身未能出席聚會。Sophie透露最近媽媽不在香港，所以家人並未有相約見GM。GM指葉蒨文已經見過媽媽，並表示：「媽咪會叫Sophie快啲上屋企飲湯！」
葉蒨文透露最近媽媽不在香港，所以家人並未有相約見GM。（娛樂組攝）
GM唔敢拖手行街
二人被問到公開戀情後，會否對於外界的言論而造成壓力，Sophie表示沒有這一個感覺，而GM則表示尚未適應眾人受到注目。對於觀眾看好二人會結婚，現階段是否會避免嗌交，GM說：「我諗無論有冇大家嘅關注都要小心鬧交，本身都想維持好嘅關係，唔關網民長期關注嘅問題。」GM指現階段拍拖也比較怕醜，不敢與Sophie拖手行街。GM大讚Sophie相當體貼，會煲湯給他享用。講到二人私底下的暱稱，GM尷尬表示：「我唔想講，大家都會叫佢呢個名。」Sophie指GM的暱稱與貓有關，並透露對方手機的暱稱：「就唔係佢真實嘅名嚟嘅，我手機Save咗佢叫罐罐供應商，我覺得幾有趣嘅，因為我係貓。」
GM指現階段拍拖也比較怕醜，不敢與葉蒨文拖手行街。（娛樂組攝）
葉蒨文回應被網民質疑
Sophie被問到最近被網民留言質疑單親家庭背景造假一事，她指回覆網民的態度是非常溫和，並沒有說過任何的粗言穢語字眼或者人身攻擊。她說：「我都係講返對我嘅質疑，同埋嗰件事情。我覺得現在實在有太多鍵盤戰士會網絡欺凌，可能《女神配對計劃》播出後多咗好多女粉絲，好多內斂嘅女仔都話以我為榜樣。」Sophie續指自己有很多缺點需要改善，並表示：「如果覺得冇錯嘅，就唔需要壓抑住俾人打，我覺得禮貌回應冇問題，係健康㗎！」GM認為Sophie的處理手法相當恰當，他說：「佢希望所有藝人都可以積極面對呢件事，女仔通常都比較脆弱啲嘅，佢做咗一個好好嘅示範而為女性發聲。」
ADVERTISEMENT
立即更新/下載AM730手機APP 體驗升級功能
