葉蒨文與曾展望拍拖後展開首次旅行。
葉蒨文（Sophie）參加TVB戀綜真人騷《女神配對計劃》進一步上位，更成功覓得另一半GM曾展望，兩人發展成情侶後首次拍拖去旅行，到東京慶祝Sophie的33歲生日。
在《女神配對計劃》中，Sophie曾透露原本跟拍拖多年的舊愛去日本，但當時計劃泡湯，她表示：「我同我EX一齊咗六年半，我係一路想佢帶我去日本，但就係一路等咗好多年都冇實現到…咁啱嗰陣疫情佢有啲困難，或者生意上佢心情各樣嘢都唔係好好，咁我就一路陪住佢啦。」女神展開新戀情，如今與曾展望一圓Sophie去日本的心願。
男女授受不親
連日來，GM與Sophie均在IG貼出日本行照片，各自展出男女朋友視角，見兩人除了街拍外，又到機舖夾公仔、shopping、搭巴士等，Sophie更到和服店公開自己的和服look，Sophie還有貼出一張在酒店房大床的照片，見她在床上一邊睇電視一邊等食迷你版杯麵，不過卻有網民指房間內是一張雙人床，Sophie立即親自回應：「男女授受不親。」同時，葉蒨文亦有出story分享在飛機上獲靚女空中服務員寫上賀卡祝賀生日，獲壽星女大讚細心。
