鄭伊健稱，忙完演唱會後才去旅行。
鄭伊健昨日到電台接受訪問，宣傳即將舉行的紅館演唱會，他透露歌單已經定好，但嘉賓人選就還未決定，鄭伊健稱，其妻有為其準備愛心湯水，但他怕肥的關係，不會天天都喝！
提到將在舞台上重現電影的經典場面，可考慮邀請當時的演員上台，鄭伊健就笑言：「個個演員都好忙，而且我構思係重現以前戲裡面嘅電影感，唔係重拍，所以應該唔會。」他又透露，一直有做運動，亦開始鍛鍊身體，所以不太擔心體能的問題，也不用為演唱會戒口，鄭伊健說：「同以前唔一樣，依家最緊要自己開心，有啲係嘢唔可以食太多，不過唔會好似以前咁，咩都唔食得，我好隨意去食！」
嫌機票貴新年留港消費
問到其妻蒙嘉慧，可有為他準備湯水，他甜蜜指：「有呀，仲唔錯呀！湯水需要食㗎，不過就唔係每日都煲！會肥！一星期兩、三日啦！」至於今年春節，他就因要彩排，不能去外地玩樂，鄭伊健續說：「唔止今年，其實我新年比較想留在香港！忙完演唱先再去旅行！新年機票太貴！」