蒼井空婚後習慣早睡，來港做咗成日嘢，發文呻下辛苦都理解嘅。
昔日AV天后蒼井空相隔12年再來香港，出席昨日舉行的「大富豪 BIG BOSS GENERATION」開幕儀式及擔任剪綵嘉賓。44歲蒼井老師昨午完成開幕活動後，當晚11點50分再出席店內舉行的派對。她穿上粉紅色底胸裙跟每枱酒客逐一合照，大批客人蜂擁而上跟蒼老師埋身自拍，嚇得她不時用手護胸。之後再與酒客玩遊戲，體力透支程度可想而知。
完成所有活動後，蒼井空在IG限時動態發文大喊「攰死了」。
沖涼後自拍
蒼井空完成工作後回酒店已是凌晨，她自拍一張沖涼後披著浴巾濕頭相片，並寫道：「全部嘅工作終於完成，返到嚟已經1點15分，整埋行李又要沖涼再做skin care，而家等緊頭髮乾，出po時已過咗20分鐘啦。而家係香港時間2點45分(日本時間3點45分)，救命吖，攰死喇。」下午做到凌晨，已不年輕的蒼井老師當然倦了。她逗留一晚，今早已啟程回國。