蔣雅文罕有公開水著泳裝照 41歲露事業線兼自爆體重
曾經被英皇力捧、與鄭希怡Yumiko及劉思惠Maggie組成3T嘅蔣雅文（Mandy），2008年離開香港赴台灣生活後淡出娛樂圈。Mandy離婚後仍不時喺社交網站上載照片與網民分享生活點滴。早前佢趁41歲生日上載多張自拍靚相，唔少網民都紛紛留言大讚佢凍齡有術，甚至比出道時更靚女及有氣質。
蔣雅文分享凍齡保養心得
估唔到蔣雅文再接再厲，今次仲罕有放出多張水著照，低調露出事業線！以往Mandy行清純形象，莫講話水著，就算露多少少都好難得，今次可以話係大派福利。Mandy又自爆現時體重突破60公斤，仲話「原本該長脂肪的地方長了一咪咪肉」，難怪有睇頭。今年41歲嘅Mandy睇落凍齡，佢亦分享保養心得，仲話「不得不承認這年紀修復力實在疲乏／偶爾(睡很飽)的時候看起來狀態好像不錯／但它就像故障的手機app經常閃退／狀態時好時時時壞（機率大概1:3）」。
陳蕾讚蔣雅文不得了
唔少網民睇到都大讚蔣雅文Mandy有料到，陳蕾都留言話「不得了」。更有網民話「出寫真！」、「睇得出你今次想做中女天花板嘅目標好堅定！」、「想不到老奶奶也解放了」。
原文刊登於 Yahoo 娛樂圈