2017-09-13 06:00:00

薛家燕帶隊商演變行善

薛家燕、黎諾懿、湯洛雯、林嘉華和雪梨等，昨為無綫劇集《燦爛的外母》之「帶著外母嘆世界」宣傳，席間家燕姐提到，原本打算帶領一眾《燦》劇演員商演吸金，但結果變成一起行善。

經常有商演工作的家燕姐，當被問到可會帶領《燦》劇演員出外吸金時，她笑指：「原本想安排新年一齊組團接商演工作，不過劇集提早播出，依家就安排咗同演員一齊行善，喺中秋節前夕參加派月餅活動。」問她劇中哪位演員有唱歌潛質，她大讚湯洛雯，「佢都唱得唔錯！」提到唱歌，家燕姐透露，將與湯寶如和曹永廉稍後到馬來西亞商演，「我都想帶旗下唱歌學校嘅學生一齊表演《燦》劇主題曲。」

湯洛雯想做歌手
對於獲家燕姐大讚唱歌有潛質，湯洛雯大感開心，「其實初入行嗰陣，我都諗過做歌手，依家都仲有學唱歌。我好鍾意唱陳慧琳、容祖兒及蔡依林嘅歌曲，或者有機會就自薦參加《星夢》。」