薛影儀孖黃榕今日扮成美人魚現身水上樂園，吸引現場人士目光。 (娛樂組攝)
前「亞視一姐」薛影儀與好姐妹黃榕現身水上樂園，吸引不少遊人上前合照，更有大隻男埋身！猛男與阿儀有不少互動，她更被猛男射水，由頭濕到落腳，還企定定任射，貌似一臉享受，盡情體驗下水禮。
由於已踏入暑假，今日有大批學生及一家大細均到水上樂園享受陽光，阿儀先以一件頭泳衣示人，而身為健美達人的黃榕則以比堅尼盡曬fit爆身段。兩人所到之處也引來遊人注意，更有不少年輕男女排住隊要求合照，阿儀亦來者不拒。
阿儀多年未有入香港水上樂園，與黃榕一口氣玩了多項設施，從八彩天梯瀡落一刻玩到面容扭曲，之後再到室外造浪池玩水，見到有大隻猛男，阿儀偷望亦不失矜持。當去到射水區，阿儀與黃榕置身噴水裝置範圍內，有大隻仔向阿儀射水似乎相當受落，玩得樂而忘返。
玩到尾聲，阿儀跟黃榕忽然變裝，齊齊cosplay美人魚，阿儀化身傳說中的「美人儀」登場。阿儀和黃榕接受訪問分享今天身穿美人魚泳衣裝束：「我哋兩姊妹喺淘寶一齊買，喺度扮美人魚，就約好咗今日一齊着。」黃榕則笑對方是「美人儀」，並表示：「我都係第一次着美人魚泳衣。」阿儀興奮笑說：「我見IG有幾十萬人睇（美人魚泳衣）。」講到現身水上樂園玩是否有粉絲集郵合照，黃榕為阿儀搶答：「平時就算去內地玩都好多人都話要同佢影相。」提到美人魚泳衣裝束是否很難穿着，阿儀表示相當認同，並透露：「我着美人魚泳衣好多人都話我瘦咗好多。」講到今次來水上樂園遊玩是否有艷遇，阿儀表示：「我冇理到佢。」
ADVERTISEMENT
20周年「全城撐本地消費3重大激賞」！ 即睇活動詳情！
