衛詩雅和新晉女團SMORZ今日（4日）一起出席美容活動。（娛樂組攝）
衛詩雅和新晉女團SMORZ今日（4日）一起出席美容活動。衛詩雅接受訪問時指受訪前遇到新晉女團SMORZ，令她憶起同齡好友的子女已經24歲。被問到是否有生仔計劃，衛詩雅坦言：「我由細到大都冇呢個夢想，冇出現過呢啲畫面，但係我好鍾意小朋友，我好鍾意同小朋友玩。」她笑言自己不適合做家庭主婦。講到老公有否要求她親自下廚，她說：「有㗎！佢夠膽食！其實真係好危險，我試過烚蛋唔記得自己開咗火，會有呢啲危險發生。」
衛詩雅雙腳受傷，膝頭位置貼了膠布。（娛樂組攝）
否認出場費七位數字澄清冇加片酬
提到最近收到劇本的邀約，她說：「有幾個劇本都係年尾開，所以現階段應該睇吓時間，睇吓邊一套開先，又或者邊一套遲啲開。」至於榮升影后會否加片酬，她回應：「冇加，千祈唔好信坊間嘅謠言，我係冇加價。我想澄清返，之前有一個謠言話我加價出場費接近七位數字，呢個數目真係大咗，絕對冇咁嘅事。」講到最近工作量是否有減少，她表示：「我覺得係啲人唔夠膽問（價錢），我有啲朋友問我原來出場費係呢個價錢，咁就即刻應承合作。」
講到早前透露雙腳受傷，她表示：「其實嗰一日我係拍《衛食攻略》，嗰日喺停車場度，我換完鞋落車，點知兩邊嘅鞋帶就翹住，之後就向前仆親，雖然係平地，但係都好傷，因為個地方好污糟，所以傷口發炎，嗰陣即刻去咗藥房嗰度洗傷口。」她指現階段需要服食抗生素，並表示：「一定會有疤。前兩日我想試吓做少少運動，我就感覺到傷口再裂開，所以最近都唔會做啲劇烈運動住。」
衛詩雅否認榮升影后加片酬。（娛樂組攝）
有關心柯煒林患肺腺癌
被問到好友柯煒林患肺腺癌四期，她回應：「有關心，不過最近冇特別打攪佢，因為都估到佢會收到好多唔同嘅訊息，佢係一個好乖好有禮貌嘅男孩子，會唔好意思唔覆訊息，唔想佢嘥精神回覆訊息，佢明白我哋有一直俾愛佢就OK！」
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
