袁偉豪在社交平台展示一張血淋淋的牙齒照片,透露自己一次剝掉三隻智慧齒,完成手術後,他只能進食流質食物,靠飲管吸啜糊仔。不過,當他吸啜的時候,因為觸碰到傷口位置,令他苦不堪言,難以進食,更痛到趴埋牆。
片中見到袁偉豪痛到面容扭曲,更眼泛淚光,當他拿起飲管啜食時,痛得死去活來,坦言「唉!唔得,食唔到嘢!」負責拍片的張寶兒向他說︰「喊兩滴眼淚嚟好啲喎!哈哈!」見到老公痛到趴埋牆後,她說︰「離場,自己嗌CUT機,哈哈!痛到食唔到粥!」
剝完牙八級痛
另一條片見到袁偉豪的表情又喊又笑,心情非常複雜,張寶兒繼續笑說︰「你啲演技又進一級,昇華啦!都唔知你喊緊定笑緊!哈哈!」袁偉豪就謂︰「知唔知咩叫笑到喊!」他留言說︰「人哋話生仔十級痛,我諗我應該有八級嘅,有人見到我辛苦個樣就立即Roll 機,仲叫我比多兩滴眼淚。Okay!下次再到你生仔既時候我知點做!」
嚇親姚子羚
好友姚子羚同樣飽受智慧齒問題困擾,她被袁偉豪的反應嚇怕︰「我都生緊智慧齒,唔知剝唔剝好!因為間歇痛!」袁偉豪說︰「如果開始蛀就要剝啦」Patrick Sir留言說︰「用飲管嘅吸啜動作,其實牙肉會郁動,一樣好痛。所以你應該⋯⋯吊鹽水。」