羅子溢(前名羅仲謙)、張曦雯(Kelly)、張秀文及韋家雄等，昨日為電視劇《木棘證人》宣傳，有報道指羅子溢及其妻楊茜堯(前名楊怡)，花了40萬元改名，催運之餘希望斬斷爛桃花，羅子溢稱報道誇大了。
對於被指花40萬改名，羅子溢急忙澄清：「當然搵人改名字要俾利是，不過唔需要太多，40萬呢個數比較誇張咗啲。仲有我改名係為屋企人，最主要係個女啦，其實對自己事業有冇改變，我冇特別注意。」 他稱將飛到內地工作，會有一段時間不在香港：「可能要到過年先返到嚟，之前傾呢個工作時，都有啲矛盾㗎，因為睇唔到個女兒嘛。冇辦法啦，為咗佢將來要努力工作。」
張曦雯享受被強吻
談到劇集即將大結局，羅子溢和Kelly將有一段長達3分鐘的咀戲，Kelly說：「嗰場戲拍咗好耐，拍咗3、4個鐘，不過唔知監製剪出嚟有幾長。」羅子溢也說：「因為嗰場戲包含好多意思響裡面，一開始時我係強吻，然後佢就開始接受，接受之後就享受嘞，就是咁樣。」
除了羅子溢享盡豔福，韋家雄笑說有向監製爭取與張文慈拍咀戲。