林作和女友裕美向來愛得高調,日前是二人的拍拖四周年紀念日,裕美在社交平台上載二人到酒店Staycation的靚相,相中見她收了一個由朋友訂造的胸部造型立體蛋糕,而林作更用手掂著蛋糕,預備向林作表示:「咁鐘意揸, 俾你揸飽佢」相當搞笑。
其後,裕美再於IG分享他們「能一齊4年的秘訣」,她寫着:「少啲溝通,多點隔膜。少點熱情,多點冷漠。少點身體接觸,多點保持距離。岀街見人悉心打扮,同佢見面立即落妝。保持一種陌生感,永遠分房瞓,相敬如賓。你對我好時,我對你更好。你對我唔好時,我十倍奉還。做回自己自力更生,唔高興就黑面唔洗嘈。唔好俾機會佢張開口,佢癲時要比佢更癲,咁就會好幸福。這是我最長嘅一段關係,同你鬥長命林作」。不少網民拍手大讚好有道理,更笑言「有道理,對住林作4年好耐,美美好厲害」。