裕美爆影婚照攝足12塊胸墊由A變D cup。
裕美近年經常拍片帶貨，不少女網友都會留言問她扮靚心得。日前，就有網民問她究竟穿什麼內衣可以如此貼服又不會露出肩帶，裕美就拍片自爆身材平坦，是「裝假狗之王」，她表示：「我冇著內衣嘅，屋企八成嘅衫都自帶胸墊，一笠落去就搞掂，完全冇束縛感，慳返好多時間。」
裕美自嘲是假狗之王。
裝假狗之王
裕美指胸部時大時小，因為不同衣服有不同厚度的胸墊，由很薄的至6.5cm厚也有，並自嘲：「我真係裝假狗之王。」她續指有人問她關於內衣承托力，她就表示自己平胸跟一幅牆沒有分別，「請問佢有咩需要承托呢？佢有咩會變形呢？」更強調自己從來沒有胸部下垂經驗，叫大家不要再問她。
影婚照攝12塊胸墊
去年裕美與林作影了一輯婚照，相中見裕美大曬迫爆上圍，她自爆：「同林作影相嘅時候，係攝咗12個假狗喺我胸度，然之後再攞個牛皮膠紙黐實，將我僅餘嘅肉咇埋一齊，就成功令A變D。你哋唔好再同我講擔心胸部下垂呢個問題，我呀，連想下垂嘅機會都冇呀！」她更笑指平胸的好處，就是不用開太大的門亦能輕鬆「攝」過，慳位方便。
