導演梁國輝聯同林敏驄、Will、ANSONBEAN、羅浩銘及吳苑汶等演員，以及編劇賀鑫齊齊謝票。
林敏驄、柯煒林(Will)、陳穎欣(Yanny)、羅莽、陳毅燊(ANSONBEAN)、盧慧敏(Amy Lo)、蘇皓兒(Chloe So)等合演的電影《觸電》，由開畫首日票房僅5萬，憑著觀眾口碑，至今上映3星期，截至昨日(12日)累計票房已超過180萬，院線亦不斷加開場次，成為近期本地影壇的黑馬。台前幕後團隊未有鬆懈，走訪各大戲院謝票，親身與觀眾接觸。
昨日(12日)導演梁國輝聯同林敏驄、Will、ANSONBEAN、羅浩銘及吳苑汶等演員，以及編劇賀鑫（Lily）在沙田謝票，梁國輝就爆料，在《觸電》開拍第一日才接到Will的電話：「最後一刻先有男主角定檔。」Will解釋因本來另有工作，接拍過程可謂排除萬難，「我同導演之前已經認識，受到導演邀請拍攝時，導演打電話俾我話有呢部戲，同時佢遇到一啲困難，當時我飛咗去台灣工作，當時與經理人討論，因為有其他工作，時間上未必配合到，經理人話呢部戲劇本係好，建議我去接，好多謝導演同經理人話畀我知套戲係好，最終做到，係一段好美好嘅緣份，多謝大家。」
江美儀、羅毓儀和林俊其入場支持林敏驄主演的《觸電》。
林敏驄獲江美儀羅毓儀撐場
林敏驄在電視劇《下流上車族》的妻子江美儀和女兒羅毓儀亦有入場支持，林敏驄說：「今日我個親生女蔓蔓（羅毓儀）有嚟，佢仲帶埋個奀挑鬼命（林俊其）嚟見家長，佢媽媽車太（江美儀）都有嚟。」林敏驄問席上江美儀覺得《觸電》是否好看，江美儀說：「絕！大絕呀！做乜唔搵我演？呢套戲真係好睇，希望票房一路上升。阿銘（羅浩銘）的動作編排真係好好。」林敏驄笑言：「佢話自己做得好過伍姑娘。」
票房有落差 愧對古天樂
《觸電》近日入圍台灣金馬獎最佳動作指導，身兼演員和動作指導的羅浩銘表示，所有動作場面合共拍攝了6.5天，並點名多謝老闆古天樂。他解釋，古天樂曾跟他說：「我到宜家都唔知你哋拍咩，不過你哋覺得值得做嘅，就做啦。」羅浩銘坦言，感覺有點對不住古生：「因為到第四個禮拜，票房都係差啲啲⋯⋯我同佢講賺緊㗎啦，不過有少少落差。如果大家鍾意套戲，多啲叫朋友入場，比返啲support我老細，佢真係好撐呢件事。」
ADVERTISEMENT
