蕭正楠與黃翠如跟許紹雄是鄰居。（娛樂組攝）
蕭正楠與黃翠如出席《TVB同行新世代節目巡禮2026》，二人早前趕到醫院去見許紹雄一面，今日他們談起對方時難掩傷感。他們透露跟許紹雄是鄰居，有很多美麗的回憶，一切在心中。蕭正楠坦言非常不捨，翠如表示大家都好難過，她說：「對呢個行業大部人都好愛Benz哥，個個都係Benz哥朋友，因為佢係一個好歡樂的人。」
蕭正楠跟黃翠如來年一齊拍節目。（娛樂組攝）
提到昔日相處點滴，二人表示囝囝「蕭哈哈」百日宴之後，Benz雄一家到來派利是，但BB扭眼瞓，一直冇影到合照。蕭正楠說：「我哋成日話要經常見面。」翠如哽咽說：「有啲遺憾，因為當時Benz哥喺我哋屋企，但點知BB扭眼瞓，之後我話唔緊要，日後大把時間見BB，仲話抱去佢屋企，係囉⋯⋯希望大家要好好珍惜每段關係。」
二人提到Benz雄每逢大時大節，就會叫他們去他的家打邊爐，他會買好多好靚的肉同海鮮，而囡囡許惠菁又會整好多好好味的西餅給他們吃。問到有沒有安慰許惠菁，蕭正楠表示現時他的家人空間，翠如指這個行業好多愛，大家都會給Benz雄的家庭好多愛，「希望佢哋可以好好哋係愛入面企返起身。」
