陳嘉桓(Rosa)與黃宗澤(Bosco)緋聞傳過不停，昨日她出席活動時承認曾到對方的家過夜，又稱Bosco懂下廚，是她喜愛的類型。
Rosa出席雪糕活動時，就直認自己大食，有時一個人也可以食二人份量雪糕。問到她是否跟Bosco一齊時，她說︰「我依家冇諗拍拖呀！做嘢先啦！我個人比較男仔頭，我同佢係比較friend，所以真係冇諗過拍拖喎。」她又直認試過Bosco手勢。
對於被指在Bosco家中過夜，Rosa話︰「我有上佢屋企，但係開party係咪過夜呀？過咗12點叫過夜？嗰時要睇世界盃，睇到4、5點呀！睇完就揸車走，我諗係大家將啲時間搞錯咗，唔係做咩要泊咁耐喎！」她又補充當日有不少朋友一齊開party。
Rosa又指Bosco這類男仔不錯，再問到二人有沒有發展空間，她說︰「大家都同行，明白嘅，唔使特別諗，慢慢嚟。」