Ad Block Ad Block
娛樂
2023-03-16 13:36:00

請1日假去旅行|李芷晴著比堅尼與何沛珈水中深情對話 網民激讚樣靚身型靚

分享:

TVB旅遊節目《請1日假去旅行》曼谷篇將於今日(16日)及明日(17日)晚上10時半播出,由李芷晴(Stephanie)及何沛珈(Roxanne)一連兩集帶大家玩盡三日兩夜假期。二人早於出發前透露準備好大量小背心和短裙仔,等大家眼睛食冰淇淋,又特別學咗幾句泰文準備講價。

日前TVB釋出精華片段,見到李芷晴及何沛珈第一站就去到猛男餐廳食好嘢,拍攝當日為正日生日嘅李芷晴更獲製作組送上驚喜,被一堆猛男圍攻跳舞,更被捉手仔摸猛男胸肌,何沛珈笑言:「佢哋好濕,因為啲汗,搞到我隻手都濕埋!」。李芷晴及何沛珈又於旅程中到森林Café撐船仔、著上泰國大學生制服打卡及換上泳裝於泳池深情對話,唔少網民都話佢哋好正,尤其係擁有34C豐滿上圍嘅李芷晴引起網民熱議:「講真身材真係正」、「正到不得了」、「佢真係幾索」、「我一早已經話,最強body唔係劉穎鏇,係佢」、「勝在青春有活力!」、「樣靚身型又靚,屈機啦」、「如果可以有多D機會見到佢就好啦」等等。

被封「六合彩女神」

李芷晴2018年參加香港小姐競選,12強止步但仍被TVB賞識簽約成為藝員。入行後以參加綜藝節目及演配角為主;直至與藝人黃曉明一齊主持J2《六合彩》搞珠環節,被封「六合彩女神」及於《愛•回家之開心速遞》先後演出大學生Fanny及威龍員工Elaine而受到觀眾關注。其後,李芷晴曾於2021年在《萬千星輝賀台慶》奪得38萬獎金壓軸大獎一幕令更多人認識佢,事關李芷晴拎獎時天然呆,身邊嘅麥美恩即刻攬實佢,導致夾出超長事業線及震盪畫面出現,搶盡焦點。李芷晴亦於去年10月參加《香港小姐再競選》,再次穿上泳裝爭奪冠軍寶座,最後獲得最佳進步獎及亞軍獎項。

Ad Block

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受