邱士縉今日以一身型格打扮現身商場活動。
MIRROR成員邱士縉（Stanley）今日以一身型格打扮現身商場活動，響應今個夏日的NBA狂熱，為「轉身射個三分波」總決賽擔任嘉賓及頒獎。Stanley笑言自己是多年NBA粉絲，今日出席此活動表示非常興奮！
球技了得的Stanley，趁活動前先到「NBA技術挑戰競技場」小試牛刀，短短1分鐘快速通過傳球、射球、運球四大關卡；甫踏入室內「NBA小型籃球場」，立即展現射籃功力和花式上籃，果然熱身過後狀態大勇，運動型男姿態冧爆現場粉絲！Stanley表示：「我頭先打聽咗初賽參加者實力，定點射波嚟講都好似好唔錯，過關啦！細個教練成日同我哋講，射波有實際之餘，一定要有姿勢，唔係為咗型，真係調整到準繩度㗎！頭先決賽嗰陣我都特別金睛火眼，留意10位入圍Finals嘅朋友仔手勢！」
賽事進行期間氣氛熱烈，無論10強參賽者入球或擦邊時，頻頻有歡呼吶喊聲。暖男Stanley不時自動波為「籃球麻瓜」實時解釋行內術語，被主持大讚最佳拍擋，十分窩心！Stanley笑稱：「對於喜愛的運動一定係熱心推廣，趁咁好嘅機會介紹吓玩法、規則，大家都睇得投入啲，可以樂在其中！Stanley作為潮流達人，當然不會錯過場內拍照打卡位，身材高挑的他手持籃球擺出各個型格甫士，引來全場粉絲尖叫聲不斷，更主動與粉絲傾偈及大合照，大派福利！
ADVERTISEMENT
20周年「全城撐本地消費3重大激賞」！ 即睇活動詳情！
