郭晉安讚羅子溢在戲中表現很好。
郭晉安今日出席《金式森林》宣傳活動。陳曉華在網上透露那場誤以為安仔離世的戲，自己哭了很久，最後安仔用擁抱方式代替劇本內的對白。他表示自己當下覺得用這個方式去表達最好。
對於有網民留意到他演奸角時，都會戴上眼鏡，問到眼鏡look是不是令他看上去特別奸時，他說：「我過去兩部最成功嘅奸戲都係王心慰做監製，佢都係叫我戴眼鏡。因為戴咗眼鏡之後，令個樣看上去好似更有誠信，未必係令個樣奸，最重要係令個樣更加有誠信去欺騙身邊所有人。」他大讚同劇的羅子溢表現很好，「可以令大家睇到另一面嘅子溢，嗰種成熟同穩重嘅味道出咗嚟，我會投佢一票！」
齊工作非常開心
談及許紹雄(Benz雄)離世，郭晉安表示有到醫院探望對方，他說：「佢係好開朗同正面。喺佢身上面發生幾重要嘅事情都好，佢都會話俾大家聽唔重要嘅，呢樣身為一個男人喺佢身上面學到嘅嘢，佢承擔嘅能力好強，佢好鍾意帶歡樂俾身邊嘅人。」他稱過去跟對方合作很多次，每次都會加插一些自己的東西入去，如拍《阿旺新傳》，Benz雄教如何一條底褲穿8次那一幕，是他即場想出來。他稱Benz會即興加入一些歡樂元素戲內，而且事前將想好的橋段跟對手夾一夾，在片場跟他一齊工作非常開心。
