2025-10-13 13:00:00

鄧兆尊爆陳百祥與TVB關係「用處少咗好多」撐大陸市場一次出場費幾十萬

陳百祥（阿叻）日前出席活動時接受訪問，並力撐炎明熹離巢TVB自組公司的決定，指現時內地的市場發展機會更大，並發表大膽言論表示：「而家冇人要靠TVB！我哋踢一場波點擊率十億百億，TVB最多人睇，都係講緊百萬幾人，都唔夠百分之一，係萬分之一都冇。」

TVB 市場細

向來非常敢言的鄧兆尊日前就現身為志豪、貴花田和王耀祖的「田豪祖3寶channel」擔任客席嘉賓，對於叻哥的言論，他表示「大致認同」，但認為TVB始終有一定的支持者，「有啲上年紀觀眾仲睇緊呢個台（TVB），如果真係冇用就出唔到中三中二（中年好聲音）素人出嚟唱歌，紅咗有佢哋嘅市場，但市場比較細。叻哥又啱，村超（鄉村足球超級聯賽）真係過億點擊率。」

陳百祥與TVB鬧翻？

由於叻哥與TVB總經理（節目內容營運）曾志偉向來老友鬼鬼，今次他的大撐炎明熹的言論令不少人都覺得驚訝，主持曾志豪追問叻哥與TVB是否鬧翻了，鄧兆尊說：「冇人會斷一個關係，最多都係唔理你啫。」他續指叻哥在TVB「用處少咗好多」，並以賣蘋果來作比喻：「好簡單阿田去買嘢一樣，一個五萬蚊蘋果同一個十蚊蘋果，你會買邊個？咁梗係買十蚊嗰個啦，我用一個叻哥，等如用十個錢嘉樂，咁我梗係用錢嘉樂啦，你明唔明呀！」曾志豪說：「咁就唔開心嘞，係咪？」鄧兆尊點頭謂：「係嘞，冇錯。」確實，叻哥近年已甚少亮相TVB，就連港姐或台慶等大型騷亦沒有見到他的蹤影。