Joey Tang因要出席囝囝的畢業禮，無緣去ERROR演唱會。
太極成員鄧建明(Joey Tang)昨日擔任《第一屆NFT流行曲創作大賽2022》評判，他表示12月將會飛到澳洲出席囝囝的大學畢業禮，因而無緣參與ERROR年底的演唱會。
Joey Tang說︰「好可惜做唔到我一個最愛演唱會，12月嘅ERROR演唱會。嗰時係保錡打嚟搵我，我覺得正呀，可以接觸後生朋友仔嘅騷。仲話ERROR一出係同成隊Chill Club樂隊，但因為完騷第二日就係囝囝畢業禮。」他指開初囝囝願意放人，但後來反悔指自己的畢業只得一次，所以最後忍痛放棄ERROR演唱會。
