Stephy與一大班歌迷，慶祝歌迷會18周年。
鄧麗欣(Stephy)近日在香港慶祝她的歌迷會「STEPHY FANTASIA」成立18周年，與260多位忠實fans共度這個特別日子。在慶祝聚會上，Stephy與歌迷們近距離互動，除了大玩遊戲，更逐一拍照留念，她的fans被其熱情深深打動，甚至在大合照時感動得流下淚水，Stephy表示：真係好感觸歌迷陪住我一齊成長，有啲係喺度認識拍拖仲生埋小朋友，成件事係好得意，大家一齊成長，就好似大家一齊生活咁，所以今次係特別感觸同開心嘅一次。」
在聚會中，fans們期待已久的《STEP by STEPHY鄧麗欣演唱會澳門站2025》將於9月20日於澳門威尼斯人綜藝館舉行。為了應援支持演唱會，歌迷會還設計了扭蛋遊戲，Stephy更幸運地抽中大獎，開心地將獎品掛在身上，如同選美冠軍般繞場一周，場面熱鬧。
Stephy席上驚喜宣布，因應演唱會熱烈反響，9月21日將再加開一場。門票將於本月16日在HotdogTIX平台優先發售，公售日期稍後公布。Stephy表示，「能夠在澳門演出感到十分開心，並希望這次的演出能做到更出色，甚至挑戰更多的表演元素。」
首次在澳門舉行演唱會的Stephy充滿期待，還透露會有驚喜彩蛋等著大家，她說：「澳門睇騷就睇得多，今次去搞演唱會，係有少少不知所措，因為對個場地有啲陌生，好彩就係喺香港run咗一次，所以冇咁緊張，但就未想像到會係點，不過咁樣係幾好玩嘅！盡可能都會送驚喜畀大家，都會考慮加入上次冇唱嘅歌曲，希望帶畀大家新鮮感。仲有冇新嘅元素？大家入場就會知道。」
Stephy又回憶起自己在澳門最難忘的經歷是第一次嘗試Bungee jump，並且對當地美食讚不絕口。她開玩笑地說：「開騷前不能吃，但開騷後一定要大快朵頤！澳門嘅美食都好正，葡撻、椰汁雞麵、海鮮……開騷前就唔食得，開騷後留喺澳門玩，就會食返夠本！」
Stephy與一大班歌迷，慶祝歌迷會18周年。
ADVERTISEMENT
20周年「全城撐本地消費3重大激賞」！ 即睇活動詳情！
