鄭健樂Rocky近況曝光 坦言單親照顧兩名自閉症兒子有沉重經濟壓力
李偉健憑TVB處境劇《愛• 回家》「Terry」一角為人認識，日前佢於社交平台分享與鄭健樂（Rocky）和另一位香港先生李善恆嘅新舊合照，寫道：「十多年前的歲月痕跡」，無意間勾起網民對Rocky早年「御用大隻佬」風采嘅回憶，亦引發大家對佢現況嘅關心。
Rocky對於兒子未來難掩心中憂慮
Rocky於2005年參加《香港先生》競選，勇奪「健力組」冠軍入行，為兩子之父，Rocky其大仔現年17歲，細仔16歲，兩名兒子皆有輕度自閉症，細仔亦同時患有過度活躍症及專注力不足問題，曾經想將多啲時間放喺囝囝身上，因而離開TVB，做私人健身教練。
2021年，Rocky與太太離婚，為咗有穩定收入養活兩名兒子，決定重啟演藝工作，客串劇集和電影；佢曾坦言，對自閉症認識唔多，要用心和時間去了解，加上單親身分令佢揹上沉重經濟壓力，既得一個人搵錢，交租之餘又要出糧畀工人，所以要努力搵多啲錢。
至於，兩名兒子嘅表達能力與同齡小朋友唔同，Rocky直言照顧佢哋需要付出更多耐性及時間，幸好佢哋都好乖同聽話。不過，Rocky對於兒子嘅未來，難掩心中憂慮，擔心將來自己老去無法繼續守護孩子。
原文刊登於 Yahoo 娛樂圈
立即更新/下載AM730手機APP 體驗升級功能
