唐寧、凌文龍和導演陳大利前晚出席電影《黃金花》慈善放映會，電影中扮演患有自閉症的凌文龍，憑此片首度入圍金像獎，角逐「最佳男主角」及「最佳新演員」獎，他稱心情興奮又驚喜，還未識緊張。
在戲中扮演凌文龍母親的毛舜筠，就看好對方能獲得「最佳新演員」，凌文龍就表示：「我都無諗過，好多謝毛姐對我嘅支持。」對於跟強勁對手一起角逐「最佳男主角」，他笑說：「可以入圍已經受寵若驚，準備到時會盛裝出席，好好去享受呢個大型派對。」他又承認獲提名後，都有幾部電影接洽中，但未有想過要加片酬。
唐寧睇完好感動
唐寧看過凌文龍的演出後，亦坦言深受感動，「希望佢可以攞獎，今次劇本好好，佢嘅演出好有意思。」被問到會否作為母親，所以對電影有共鳴，唐寧稱：「會，相信做阿媽嘅都會明白，自閉症小朋友只係學習上比較遲慢，並唔係完全唔懂事。」