羅蘭有份參演《金式森林》。
由無綫與騰訊聯合出品的《金式森林》，將於10月13日於翡翠台首播，主要演員有郭晉安、陳曉華、羅子溢、羅蘭、何廣沛、羅天宇、陳浚霆、郭柏妍、何依婷、陳星妤、莊子璇、龔慈恩等，上星期開始，《金式森林》已推出連串強勢宣傳，而在劇集首個宣傳記招上，羅蘭姐把《金式森林》說成《黑色森林》，除了曲線幫劇集宣傳，91歲的她仍相當玩得，更應tvb.com要求，以龍婆Tone為新劇宣傳：「你哋要記住，十月十三日，晚上九點半，《金～式～森～林～》呀！」老當益壯的羅蘭姐，說時不但中氣十足又好戲，而且表情更詭異得來帶點佻皮，結果成功一日內狂吸過120萬點擊，點讚人數亦高達1.5萬人，羅蘭姐魅力果然沒法擋。對於羅蘭姐演得又玩得，網民洗版式留言大讚，笑指羅蘭姐好可愛及十分鬼馬，更有人形容新劇為《陰陽路之金式森林》。
開工花絮曝光
今日，公開了羅蘭最後一日為《金式森林》開工的幕後拍攝花絮，見到羅蘭姐開心地向著攝影師說早晨，又精神奕奕表示要開早班。心情大靚的羅蘭姐，還在車上接受劇組小編訪問，先是搞笑幽默的角色介紹：「我（劇入面）做安仔（郭晉安）嘅媽媽，係一家之主嚟，呢個仔就成日都唔聽話」。羅蘭姐又坦言自己真係好鍾意拍戲：「一定係好鍾意先會做到今時今日，始終都係鍾意返工嘅。」鏡頭前羅蘭姐長期被劇中孫仔孫女及龔慈恩等簇擁著，但其實鏡頭背後，羅蘭姐一樣勁受歡迎，除了一眾演員，就連監製林志華及幕後所有同事都愛黏著羅蘭姐。在羅蘭姐拍完最後一個鏡頭後，阿仔郭晉安即鬼馬地向羅蘭姐獻上一大束花，全場所有人歡呼大叫：「恭喜嫲嫲」，羅蘭姐則開心地發表殺青宣言，言談間盡展與林志華及安仔的好感情：「今次真係好開心拍呢套劇，監製我都差唔多成年冇拍過你嘅劇喇！」、「呢個安仔呢，我又係好耐冇同佢拍喇，今次一齊真係好開心。」安仔聞言即醒目向羅蘭姐打眼色：「等監製下一年再搵我哋！」羅蘭姐聞言即開心大叫：「好呀好呀！」並開心地問現場所有孫仔孫女：「有好多戲都可以拍續集嘅，我哋可唔可以繼續拍續集呀。」看來真正的《黑色森林》可能上映有期了！據知，劇集監製林志華確實對羅蘭姐疼愛有加，只要能夠「分身」，林志華都必定親自接送羅蘭姐往返香港及清遠。
ADVERTISEMENT
