鍾嘉欣惠州個唱，請來曾於劇集《巨輪》合作的陳展鵬擔任嘉賓。
鍾嘉欣(Linda)繼廣州、佛山及深圳「Remember記得‧鍾嘉欣演唱會」後，昨晚(19)假惠州江北體育館舉行第四站個唱，請來曾於12年前在經典劇集《巨輪》合作的陳展鵬擔任嘉賓，兩人「Re-U」合唱《都是你的錯》，掀起無限回憶殺。
Linda將於8月中到中山舉行第五站個唱，並預告將推出幾首新歌，以醫治心靈作主題，「只要能夠帶到力量畀人，我都會繼續做，簡簡單單做好每日工作，珍惜每次機會，就係現時我嘅生活。」
相隔近10年再同台
鍾嘉欣與陳展鵬於2013年的《巨輪》合作，是不少觀眾心目中的CP，Linda直言：「其實我對上一次同展鵬喺台上合唱，係大概10年前喺美國登台，之後大家就冇再見過面。」Linda透露再次跟展鵬合作，勾起不少回憶，她大讚展鵬是個非常認真、心思細密的演員，「初認識展鵬時，覺得佢好似張學友『mix』superman，張學友係一個我好欣賞歌手，所以我今次點歌，希望展鵬可以唱一首學友嘅歌，展鵬好好，佢真係應我要要求唱學友嘅《真情流露》。」
合唱《都是你的錯》
問到Linda為何會邀請陳展鵬作嘉賓？Linda指：「同展鵬曾經合作過《巨輪》，好有CP值，好想畀番觀眾一個回憶，同埋我覺得展鵬唱歌好好聽。」而展鵬亦好好，當Linda邀請他時，他亦很快一口答覆，Linda說：「展鵬永遠都有一種好親切感覺，佢好有心，好多謝佢，而且佢仲同我夾唱咩歌好，好有誠意，我哋最後揀咗《都是你的錯》，因為我哋覺得觀眾估唔到我哋會唱呢首歌，會帶出驚喜畀觀眾。」Linda期望可跟展鵬再次合作演戲。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
