18歲鍾柔美分享出海靚相派福利。
鍾柔美Yumi今日（2日）到金鐘出席美容活動，為活動擔任表演嘉賓，先唱出《下一站天后》，之後再跳唱她當年在《聲夢傳奇》的參賽歌《狂野之城》。
鍾柔美強調無拍拖。（娛樂組攝）
18歲的Yumi日前被拍得偕同一名背心男甜蜜睇戲，兩人散場時態度親暱，她今日終於露面親自回應緋聞，Yumi否認對方是男朋友，並說：「我講明先，嗰個男仔係我同學嚟㗎，佢係好gentlemen，佢都好照顧其他同學，所以千祈唔好誤會，如果真係有咁距離（摸Pat ）我會出聲，大家唔好諗咁多。」Yumi表示公司沒有過問拍拖一事。
成為新聞人物，Yumi心情未受影響，反而更見容光煥發，她表示剛出海曬出健康膚色。活動結束後，Yumi立即向一眾網民及米粉（Yumi粉絲稱呼）派福利，見她在社交網公開數張船河靚相及短片，穿上粉紅色泳衣大曬青春本錢，又騷其小蠻腰，既伸脷又擺出不同甫士，心情明顯非常靚！
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
