阮小儀離開商台宣布新動向。
DJ阮小儀離開效力長達30年的商台，工作期至上月底(10月31日)，她曾表示裸辭未有新計劃，但強調並非退休，只想有更多時間陪伴家人及享受人生。繼日前她現身商台為森美與阿正及Elsie主持的新節目《Bad Girl大過佬》擔任嘉賓後，昨日，她在社交網再宣布最新動向。
阮小儀現身森美新節目任嘉賓。
開設自家頻道
小儀昨日在社交網分享一條短片自爆有新搞作，並宣布開設了自家的YouTube頻道《阮小樂園》，她說：「自從唔做電台之後，都有啲人問我，你會唔會自己有啲搞作？會唔會有啲Channel？我想話俾大家知，係會㗎。」小儀續指今天（11月7日）晚上九時會推出首條短片，她介紹頻道表示：「Channel名叫做《阮小樂園》，呢個樂園嚟嘅，冇任何規矩，務求希望大家喺嗰度，你輕鬆時，我又輕鬆，總之就好玩啦，聽（今）晚就會有一條我喺商台last day時，我嘅小粉絲肥Fan幫我拍嘅短片。」小儀更落力宣傳自家頻道，並叫大家多多支持：「睇完可以俾like、comment，同埋share出去呢個最重要，等多啲人知道阮小儀有呢個Channel。」
