Ad Block Ad Block
娛樂
2022-08-17 08:58:34

阿媽有咗第二個|毛舜筠相信大家會更欣賞MIRROR12子 Do姐寄語沉澱自己更團結走出來

分享:
Mo姐和導演彭秀慧在商台節目《口水多過浪花》接受Do姐(鄭裕玲)訪問。 MIRROR停工兩個月,姜濤和Jer缺席宣傳活動,彭導與毛舜筠結伴落力謝票。

由彭秀慧執導、毛舜筠(Mo)MIRROR成員姜濤和柳應廷(Jer)主演的電影《阿媽有咗第二個》,上映4天已衝破千票房,成績理想。昨日(16) Mo姐和彭導在商台節目《口水多過浪花》接受Do(鄭裕玲)訪問,兩人笑談拍《阿媽》的幕後花絮。MIRROR在演唱會發生嚴重意外後,休團兩個月,兩位男主角缺席電影宣傳,Mo姐坦言很掛念兩個仔,「今日我哋更加要珍惜嘅,係我哋嘅年輕人。彭導則希望MIRROR復工後,再辦全體團隊的放映場,想讓兩子同場睇戲和感受,令他們更勇於承擔演員身份。Do姐則寄語12子趁休團日子沉澱自己,思考如何改進和團結地走出來。

Mo姐與彭導從籌備到構思劇本和映後宣傳,都並肩作戰。 《阿媽有咗第二個》起用姜濤當男主角,Mo姐與彭導要花上不少唇舌說服公司老闆。 彭導盼姜濤和柳應廷能更愛演戲,更有勇氣承擔演員這身份。

兩人在節目中分享選角歷程,Mo姐透露,她與彭導也要大費唇舌,才能說服老闆起用非公司旗下的演員。她又自爆起初連姜濤是誰也不知,令Do姐大表驚訝:「呢個係天下奇聞喎!」後來她獲邀擔任《全民造星III》評判,花了一星期通宵睇完兩輯《造星》,立即姜濤所吸引,「係好鍾意!點解咁可愛?呢個小男孩咁可愛!」至於演親生仔的人選,Mo姐親自與試鏡演員對演母子吵架戲,花了長時間仍無法找到適合演員,最後由彭導選用阿Jer。

評兩子表現

談到對姜濤和Jer的表現,Mo姐指出兩子始終是新人,難免會緊張,「佢哋想做得好好、盡晒佢哋嘅能力。」作為前輩,Mo姐願意跟他們多對幾次稿,讓大家放鬆,能在安心環境下演戲。她透露,與姜濤拍海傍訴心事的戲時,導演給他半小時培養情緒,「ready咗之後就算唔得,唔緊要,我哋再嚟,所以18個鐘就係咁嚟。」她回想以前拍戲緊逼,不容許培養情緒,她形容兩子都好幸運。

Mo姐盼增加與柳應廷戲份

如今電影上映,Do姐直接問Mo姐的評價如何,Mo姐坦言俾面老友Do姐,才首次分享,「如果以一個媽媽去睇,我覺得媽媽同仔條線可以多啲,令觀眾更加容易投入佢哋關係;作為粉絲,必然覺得『你俾我睇多啲佢哋啦!』攞平衡係唔簡單,我覺得導演處理得好。」彭導指出,為平衡令三條線,剪接期間也反覆調節,當被Do姐問到是否滿意時火,她回應說,:「我覺得盡咗力,我覺得OK

Mo姐與Jer齊齊Staycation培養感情,她形容Jer很單純,坦誠分享從小到大的經歷。 Mo姐睇完《造星》後,大讚姜濤:「點解呢個小男孩咁可愛!」 彭秀慧預告待姜濤和Jer復工,將再辦《阿媽有咗第二個》全員的放映場。

Mo姐:要更珍惜年輕人

電影安排在MIRROR演唱會後公映,好讓兩子完騷後才投入宣傳,不料發生嚴重意外,MIRROR休團兩個月, Mo姐表示很掛念兩個兒子,有感而發:「原來所有嘢都唔係必然。我相信佢哋更加珍惜佢哋有嘅嘢……當佢哋能夠企番出嚟嘅時候,佢哋更加珍惜﹐同埋大家更加appreciate12個年輕人。」她又透露,曾被問到今日的姜濤與昔日Leslie的對比,「我就話,失去咗嘅嘢永遠都係最好,但今日我哋更加要珍惜嘅,係我哋嘅年輕人。

彭導望兩子更愛演戲

彭導則表示,完成整套戲,最期待是跟演員和製作團隊同場分享成果,「尤其係Jer和姜濤首次拍戲,可能佢哋日日都要開工,唔拍戲可能都要拍廣告,佢哋好忙,有幾可沉澱?佢哋冇幾可可以同觀眾一齊欣賞自己嘅演出﹐所以我係好期待我哋一齊坐喺戲院睇。」但她不會因兩人無法在場而飲恨不忿,但仍期待一齊睇戲的一日,「我有同老闆講,佢哋幾時出番嚟,我哋做多一次,我想佢哋仍然能夠感受。我覺得佢哋只要仍然能夠喺戲院睇番套戲,佢哋會更加鍾意做戲,下次會做得更加好,同埋更加勇於承擔演員呢個身份。

Do姐:唔係自己做錯,但後果要一齊承擔

Do姐亦表示,看到Jer post IG story,知道他很想出席首映,「呢行一定有風浪,一定會有唔開心嘅事,仲要係有啲嘢唔係自己做錯,但後果要一齊承擔。你就當而家呢段日子沉澱下。以前好忙,實在太忙,未停過,而家沉澱。唔係話永遠唔出嚟嘅,再諗下囉,自己喺邊方面可以做好啲,點樣再團結啲,點樣可以俾觀眾睇到你哋好嘅嘢。出嚟嘅timing要好啦,將來俾更多更多嘅嘢我哋睇。而家休息下囉。」

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受