陳卓賢Ian現身觀塘出席藝術展活動。(娛樂組攝)
陳卓賢Ian今日(13日)與日本藝術家上野陽介現身觀塘，出席apm商場20周年藝術展活動，即席揮筆獻畫技。談起早前帶雞髀一齊影雜誌相，Ian大讚雞髀專業又乖巧，「識佢咁耐嗰日最乖，數一數二。」他笑言獎了很多雞粒零食，食到肥咗。問到會否再合體接job或讓雞髀出道時，Ian立即化身經理人推job：「佢工作完返到屋企好攰多眼水，唔想雞髀太辛苦，我努力賺錢養佢，希望大家俾多啲工作機會我。」
小組團綜尋找香港精神
Ian將於本周五、六於澳門舉行巡唱尾站，他表示會盡量還原香港版的細節位：「有啲依依不捨，自己有諗緊下一個solo演唱會主題。」完成澳門巡唱後，Ian將投入於香港拍攝小組團綜：「香港仲有好多值得去嘅地方，搵吓香港精神。」至於見面祭是否與AK江𤒹生拍住上，他就表示未收到公司正式通知，但希望能在較大場地舉行，有機會與更多fans見面。
躋身IG廣告銷售十大
談到早前公布的內容廣告銷售額最高十大KOL，Ian成為今季唯一打入十大的男藝人，排名高於佘詩曼、劉嘉玲和容祖兒，他回應多謝客戶和fans支持，「能夠同前輩打入同一個榜，已經好榮幸，每一個工作都會珍而重之。」問到會否再拍內褲廣告時，他笑言不抗拒，珍惜所有工作機會。
估花姐言論非指獎項不重要
至於花姐的「我最喜愛等如冇實力」言論惹抨擊，Ian自言近日忙於準備巡唱，剛才得悉有關報道：「冇留意，啱啱做訪問先知，唔知佢原句係點樣。我道聽途說未必係事情嘅真實一面，要再了解吓，純粹猜測唔係話個獎唔重要，我估係想話我哋知嘅訊息。其實佢以前都講過，希望我哋係要不停增進自己實力，可能佢表達同大家接收唔同。」問到會否安慰花姐，他認為對方已是成年人，希望給予對方空間。
ADVERTISEMENT
20周年「全城撐本地消費3重大激賞」！ 即睇活動詳情！
