甘永傑及周國豐，均有上載這張合照，網民留言指兩人相似度達99%。
陳友與《中年好聲音2》歌手甘永傑，一直被圈中人指外貌相似，更有人稱他們相似到達99%，是失散多年的父子。近人兩人參加《中年好聲音》評判周國豐的生日飯局，兩人終於相認。
甘永傑更在facebook上載與陳友的相認合照，並寫道：「陳友哥哥，四十幾年前一個風雨交加嘅晚上，唔知你做緊咩呢？」他指陳友答他：「阿仔，唔好問咁多啦。」甘永傑強調：「已double check咗，我哋喺冇血緣關係嘅。」
周國豐亦有在FB貼出同一張合照，並寫道：「噚晚嘅飯局⋯⋯出現一幕感人場面⋯⋯呢兩父子⋯⋯終於相認啦！」而百厭的甘永傑則留言：「琴晚相認返我都好開心，成晚瞓唔著！」周國豐回應：「成晚瞓唔著嘅⋯⋯應該係友哥。」
當網民叫甘永傑去驗DNA時，甘永傑再留言：「四十幾年前一個風雨交加嘅晚上，唔知陳友哥哥做過啲乜呢？」周國豐再回應：「咁你深得友哥嘅真傳。」而《中聲2》另一歌手顏米羔亦忍不住留言：「明明係感動嘢，但噚晚真係笑到收唔到聲。」周國豐答他：「喂呀！只係我哋覺得感動囉。」顏米羔說，當陳友與甘永傑相認一刻，他有有交足戲兼有喊，而且「笑到標眼淚」。
【立即參加】送Rollink全球最輕薄可摺疊手提行李箱🧳！
