陳嘉慧結婚兩月內宣布懷孕 TVB小花IG晒超聲波照：我們仨
27歲TVB上位小花陳嘉慧Erica早前突然被爆10月1日於深圳低調嫁圈外男友，佢喺社交網站承認結婚，不過Erica澄清並非閃婚，指婚禮籌備咗一段時間，只因另一半係圈外人所以想低調。當時有傳陳嘉慧雙喜臨門，去到今日（29日）陳嘉慧於IG story晒出超聲波照片並寫上「#我們仨 Hello BB」，結婚未夠兩個月就公布懷孕喜訊。
陳嘉慧曾參演《法證先鋒V》
2017年加入第29期無綫電視藝員訓練班後翌年成為TVB藝人的陳嘉慧，入行後以出演配角為主，亦曾擔任兒童節目主持。直到2021年獲賞識首度擔正劇集《愛上我的衰神》飾演女主角「潘小渝」，更加入圍《萬千星輝頒獎典禮2022》「最佳女主角」同「最受歡迎電視女角色」最後五強，之後佢亦有參演多套TVB重頭劇，例如係《回歸》、《法證先鋒V》、《法言人》等等，熟悉日文及日本文化嘅佢更被安排主持旅遊節目《日本限定Super遊》，而佢喺待播劇《本尊就位》亦再次擔正，備受TVB力捧。
原文刊登於 Yahoo 娛樂圈
