陳家樂今日（9日）現身沙田馬場出席活動。（娛樂組攝）
陳家樂今日（9日）現身沙田馬場出席活動，他接受訪問透露早前去了日本工作：「我主要係為咗《像我這樣的愛情》去參展宣傳。」講到這一套電影是否屬於三級片，他表示：「係三級嘅，其實都係好純嘅愛情電影，但係有一兩個鏡頭比較三級。」
陳家樂與老闆楊受成同場出活動。（娛樂組攝）
冇送贈老婆附屬卡
提到較早前與太太連詩雅去了日本旅行瘋狂購物一事，他表示：「佢買最貴係手袋，嗰邊又有好多免稅平好多。」被問到會否送贈老婆附屬卡，他笑言：「冇附屬卡，因為我自己信用卡嘅限額好低。」
至於昔日在工作上有合作過的海俊傑最近為愛妻籌手術費，他回應：「我哋合作嘅次數唔算多，喺合作嘅過程係好開心，但我哋私下冇交換電話聯絡，但詳細我仲未了解清楚。我睇吓盡量搵吓前輩有咩可以幫到手。」
