陳志雲接受傳媒訪問，指或有MIRROR成員出席叱咤頒獎禮。(陳志雲IG)
陳志雲昨晚(13日)於西九戲曲中心出席歲月如歌音樂會，他接受傳媒訪問時，被問到今年MIRROR不出席叱咤樂壇頒獎禮，背後原因是他與MakerVille高層金廣誠不和，他就否認，「我同金廣誠邊有牙齒印，冇啊，有咩演出，佢都預我一份去睇，又會幫我手買飛。」他續稱明白歌手搵食艱難，有時無法出席頒獎禮，「如果有心嚟，嚟唔嚟到呢？都係嚟到嘅，澳門嚟香港有幾遠？不過驚太辛苦，不過有傳聞話，其中一兩位趕到過嚟，其實我都唔知佢哋會唔會嚟。不過叱咤係成個樂壇嘅事，如果佢哋真係唔得閒嚟，大家都會擁護呢件事。」他強調903的DJ播歌自主，至少可會送獎到澳門，他就笑言過往有試過，但相信未必會特地送獎往澳門。
不過，消息傳出後，不少鏡粉在Threads鬧爆，有fans指花了二千多元購買MIRROR澳門元旦Show的最貴門票，並租了酒店，希望MIRROR全團齊整謝幕和Encore，「由頭到尾全團12個仔齊人表演一個不能缺」、「係有獎嘅咪送個獎去澳門，亞博好快咋」、「唔可以縮短個show」、「請尊重團、請尊重12個成員，請尊重鏡粉。」
ADVERTISEMENT
立即更新/下載AM730手機APP 體驗升級功能
