2025-09-22 19:00:00

陳懿德專訪｜把握每個發光機會樂做haters自我審判

陳懿德（德德）因參加《2021年度香港小姐競選》而入行，成為無綫力捧女藝人之一。出道四年，其主持能力備受肯定，今年頭更獲得公司重用獨挑大梁主持《萬千星輝頒獎典禮2024》，兼且獲得「最佳女新人」殊榮。

回望4年的成長，她自言是個愛做功課的人，為了讓司儀技巧方面有所進步，自己不停看不同國家的頒獎典禮影片，每一個機會，她都會好好珍惜，誓讓自己發光令人看見。

難忘訪問郭富城

德德加入無綫第一份工作是擔任《東張西望》的娛樂主持，她坦言絕不是一個容易的工作，「做一個娛樂主持都好唔簡單，每次訪問唔同嘅人，你要點樣去拿捏呢？有陣時如果你笑得太大聲，可能會搶咗人哋嘅注意。」

她印象最深是訪問郭富城，她說：「佢每一日都係可能好勤力去練舞，或者對自己嘅飲食係好嚴格嘅，咁我哋呢一啲小角色，仲有咩資格唔努力，或者係盡自己嘅二百分努力去追上佢哋嘅進度呢！我就覺得係警惕咗我好多。」

享受扮醜角滋味

德德在節目《福祿壽訓練學院》中扮演黑板和金像獎吸引觀眾的眼球和注意，完全零包袱演出。作為一個女孩子要扮鬼扮馬，她豪不覺得辛苦。她說：「首先我覺得呢一個機會都係大家俾我，我係享受嘅！金像獎個妝落咗大過半個鐘，而黑板個落咗成個鐘都落唔到，淨係落得半個妝左右，都仲係成塊面係黑色嘅。我就帶住個半個妝揸車返屋企，嗰陣時係深夜，所以我勁驚嚇到隔離車嗰啲司機，我覺得都係一個好好嘅體驗。」

當時有網民留言著她「去做一次喜劇入面嘅主角」她表示一直記住，自己亦希望能為觀眾帶來歡樂。

自我批評比網民更嚴苛

從出道開始，德德對於面對網絡的留言，她則自嘲是網絡酸民：「我對自己係一個超級嚴苛嘅人，有陣時大家咪會話網上有酸民，我可能係自己一個嘅酸民，人哋嗰啲留言好攻擊性㗎！我覺得人哋嗰啲一啲都唔攻擊性，因為我已經攻擊咗自己，所以佢哋嘅留言反而係比我更加對自己好啲，所以我就覺得佢哋完全冇攻擊性。」

主持巴黎奧運不停學習

談及主持生涯最大挑戰的節目，德德憶述主持《2024巴黎奧運重點直擊》連踩15日，每天回來都要熟習體育組給予的資料，她坦言這次挑戰，獲益不少。她說：「要呈現一個奧運比賽唔簡單，我仲好記得有人留言話講分唔係好自然！跟住我就留意住，就算我自己唔開工都照返去。返去睇其他人點做。」

曾報名參選《聲夢傳奇》

德德如今主持《聲秀》看著一班唱歌的追夢者，原來她曾經報名同類的真人騷《聲夢傳奇》，但不知何故錯失了面試機會，最後她改參加港姐比賽。當年炎明熹、姚焯菲等大熱勝出，或許是命運安排，德德因為港姐途徑輾轉成為力捧主持，在另一舞台上大放異彩。她笑言亦可能是緣份，如今《聲秀》的監製，同樣有份製作《聲夢傳奇》，以另一個形式參與歌唱比賽，可說是一圓夢想。

對於未來的目標和計劃，德德直言終極目標開清談節目專訪巨星：「我好想有自己嘅清談節目去訪問唔同嘅巨星，想睇下佢哋生活化啲嘅一面。」