無綫全新歌唱比賽節目《聲秀》日前舉行海選面試，德德擔任司儀的工作。
無綫全新歌唱比賽節目《聲秀》日前於將軍澳電視城舉行海選面試。陳懿德（德德）在當天亦有出席擔任海選司儀的工作，她接受《am730》訪問表示：「今次其實都係我第一次做《聲秀》海選嘅司儀啦，雖然上次《女神配對計劃》都有做過，但係其實就冇講咁多嘢，今次呢就覺得好新鮮，亦都有啲小緊張。好彩之前都有見過三個評判，但唔係話非常之熟，好開心今次可以同佢哋合作，佢哋啲評語都好中肯好到位。」
陳懿德第一次做《聲秀》海選嘅司儀。
擔任《聲秀》海選司儀獲網民激讚
德德透露其實參加《香港小姐競選》之前也有參加過《聲夢傳奇》，她說：「點知道《聲夢傳奇》同埋《聲秀》嘅班底係一樣，當時我冇咁嘅機會，今次監製知道我之前有報過《聲夢傳奇》，所以就叫我做記者會嘅司儀，好有緣份。」德德指今次參加《聲秀》海選的參賽者很年輕：「有啲得16歲，佢哋咁細個已經有勇氣，去追求自己嘅夢想。我覺得自己起跑嘅時候未必有大家咁優秀，我希望可以做到一個啟發到人嘅對象去追夢。」今次德德擔任海選司儀的工作，她的主持功力受到網民激讚，並且留言推薦她能夠擔任《聲秀》主持人的工作。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
