陳曉華與郭柏妍將霸晒整個黃金時段的劇集，睇足2人兩小時！（娛樂組攝）
陳曉華、郭柏妍出席《金式森林》宣傳，提到她們有份參演的《新聞女王2》於下周播出，觀眾要睇足兩女兩小時，她們異口同聲表示角色故事不同，不會令觀眾睇到厭。
由於內地率先播出，陳曉華表示只看了一些花絮，郭柏妍自爆在劇中因為一直只叫英文名Bella，所以一直都搞錯角色的中文全名，將「賴嘉詠」讀成「賴詠嘉」。
陳曉華在網上自爆《金式森林》一場跟郭晉安相擁的戲完全沒有跟劇本，自己誤以為郭晉安死去，於是當下哭到非常難過，而安仔即場攬住她取替原本要說的對白。她說：「我拍嘅時候喊到收唔到聲，通常我會等靜落嚟，先會講我嘅對白嘅。因為喊得太犀利，啲眼淚係咁滴落嚟，第一次感受到失去一個人嘅感覺係咁，喺嗰一刻個心情好重，安哥好好就係攬住我。個劇本係無寫我要喊到咁犀利嘅。呢一場戲真係好深刻，唔係乜嘢生死關頭，真係好似發生響我身上咁，係陳曉華冇辦法體驗，因為佢身邊嘅人都係幸福快樂健康， 做戲先至會經歷過呢啲。」
郭柏妍表示很喜歡陳曉華跟郭晉安在戲中的一段情，「佢哋個愛情好感動，知道對方病，一直都想陪伴，同埋都唔想另一半死。」
