陳煒獲粉絲舉行生日會。
今日是陳煒的49歲生日，亦是她婚後首個生日。昨日粉絲為煒哥舉辦生日會，順道慶祝她新婚之喜。煒哥的老公、家姐及姐夫亦有到場開派對，非常開心。
煒哥今年憑《回歸》及《黯夜守護者》獲提名最佳女主角，她自言很愛這兩個角色，「《回歸》同《黯夜》係兩個完全唔同性格嘅人物，所以都過足戲癮，最重要係觀眾鍾意。個人私心會更喜歡《回歸》鄧麗娟多一些，因為係適逢香港回歸25周年，感覺同所有香港人一齊經歷過去，憧憬未來，所以更有感覺和使命感。」同時她亦與郭晉安入圍角逐《最受歡迎電視拍檔》，對此煒哥謂：「係有少少驚喜，因為同安仔真係第一次合作，出到嚟得到觀眾鍾意，真係好開心，希望大家都投我哋一票。」
