陳豪今日（15日）於父親節出席本地男士服裝品牌。（娛樂組攝）
陳豪今日（15日）於父親節出席本地男士服裝品牌，他接受訪問表示：「着衫某程度上就代表我哋係咩性格，俾到啲乜嘢人哋嘅感覺，能唔能夠有穩重感好緊要。」講到家中衣服的數量是否會多過老婆陳茵媺，他大笑回應：「我啲衫都OK嘅，話晒我都係做藝人，我又曾經做過Model，太太啲衫多就一定嘅，我自己嘅衫都唔算少，但係我越嚟越成熟，啲衫就越嚟越少，成熟男人嘅衫就開始唔會咁多，但要揀啲高品質嘅衫。」他繼續指對於孩子的服裝也非常講究，並笑言：「我會揀啲會見得人，要着得靚少少嘅恤衫。」
陳豪指《執法者們》即將會在本月於香港播放。（娛樂組攝）
陳豪唔考慮再生B
被問到較早前被捕獲在街頭排隊買食物，他表示：「嗰一套就街坊裝少少，希望大家唔好介意。」他指若果自己想吃的東西就會堅持排隊。提到父親節來臨，孩子是否有送禮物，他說：「佢哋寫咗卡俾我，我覺得好感動同窩心。」講到最近經常與老婆以夫妻檔合體上內地綜藝節目，他說：「而家內地比較多嘅，所以我哋都成日飛來飛去。」他分享若果需要夫妻檔合體工作，孩子則交由家人照顧。至於會否考慮再生B，他笑言：「夠啦！我有仔有女，我成日都覺得教導小朋友係緊要過生小朋友。」
