《愛美麗狂想曲》的演員陳豪、李佳芯（Ali）、陳瀅、蕭正楠、曹永廉和楊詩敏日前接受伍詠薇和林盛斌主持的《Tiger's Talk》節目訪問。劇中陳豪飾演PR公司的老闆，對員工尖酸苛刻，經常都欺壓靚靚秘書李佳芯，而蕭正楠角色比較娘娘腔，連自己的性取向都未搞清楚，反而收「男仔頭」性格的陳瀅做徒弟。
藝人很多時都會聘請助手幫忙，陳豪自爆曾經被助手戀上，他說：「好多年前，佢跟咗我大約兩年，我完全唔察覺，佢係一個好能幹嘅女仔，成日都會想唔同辦法去幫我，佢話我知佢鍾意咗我，不過我當時有女朋友，都唔係好記得自己點答佢，但我都有自省係咪做咗啲咩令佢誤會，我只能夠講我係正人君子。我冇炒佢，後來佢自己辭職。」
蕭正楠難忘在內地聘請的男助手，長期娘娘腔兼陰聲細氣，喜歡超近距離「咬耳仔」交談，他說：「我唔知係佢貼心，定真係貼心得濟，我換衫，佢就趕晒啲人出去，但佢自己唔出去囉。」伍姑娘笑言不知何解，她腦入面整個畫面入面，這個助手就是曹永廉。
