元祖級「師奶殺手」陶大宇近年不時出席內地商演，經常以劉德華《倒轉地球》及《愛你一萬年》作表演歌曲，喺2021年佢憑住獨特唱腔及「水撥式」台風喺網絡掀起哄動，更引起唔少人爭相模仿。除咗令歌曲《倒轉地球》翻hit之外，陶大宇亦喺網上爆紅。
網民：不唱倒轉地球我不聽！
早前陶大宇再次喺內地出席商演，身穿紅色西裝褸嘅陶大宇，期間投入地唱出《愛你一萬年》。商演後有網民將片段上載到小紅書，不過網民似乎唔係好buy，紛紛留言話要聽《倒轉地球》，例如「也很嚇人」、「我要聽倒轉地球」、「放過劉德華吧」、「不唱倒轉地球我不聽！」及「虐待耳朵…好難聽!」等等。
原文刊登於 Yahoo 娛樂圈
