Ad Block Ad Block
娛樂
2023-03-20 16:53:00

隱形戰隊|趙希洛被網民指戲份愈做愈少?曾被爸爸輕視:都係主角隔籬嗰個啫

分享:

近日於黃金時間都會見到趙希洛(Candice)於TVB嘅演出,分別係8時播出嘅《愛·回家之開心速遞》飾演大小姐秘書「無知May」一角,及8時半《隱形戰隊》飾演隱形任務戰略部隊其中一員顧芳婷(Queen);兩者相比下,《愛·回家之開心速遞》嘅角色間中都會有佢嘅故事支線,例如上周六(18日)播出嘅第1897集「初戀不要『Touch』」就講述熊若水(呂慧儀飾)羨慕龔燁(張景淳飾)與趙希洛呢對「初戀情人」擁有嘅甜蜜經歷,要設法得到同樣待遇,而趙希洛喺《隱形戰隊》嘅戲份並唔多。

網民指TVB冷待趙希洛

日前,有網民喺討論區以「趙希洛tvb冷待好慘,3年前拎女配角以為上位,8.30劇做番4線角色,對白只1.2句」為題出PO,表示趙希洛演技好,早喺2019年《金宵大廈》佢嘅演出已好評如潮,但TVB忽視佢,角色好似愈做愈細,好似閒角咁。有網民都認同樓主嘅講法「近幾個月愛回家嘅阿may戲份少左好多,可能一星期間 中擔正一集」。不過,都有唔少網民覺得趙希洛難有機會發圍:「你講得冇錯,真係可惜」、「TVB一年開既劇集唔算多,大多花旦有得拍已經好好,大把花旦一年都冇一套劇拍到,何況趙希洛有開心速遞演可以爆下show,之前有種好男人都有趙希洛」、「佢演戲係幾好,樣子又幾好,但若要做一線,似乎又有些限制」、「個人認為,趙希洛演技好好,但拍愛情戲投入程度一般,沒法引起人地共鳴」、「當一眾花旦都紛紛敗走,佢呢啲二三線邊度仲有機會吖?」、「好多小生花旦都係咁,上上下又跌番」等等。

被爸爸冷嘲熱諷

趙希洛2007年參選香港小姐競選入行,2019年憑《金宵大廈》獲得「最佳女配角」殊榮,當大家以為佢將會邁向女主角,卻被安排出演《愛·回家之開心速遞》,趙希洛本人就曾指好幸運可以加入《愛·回家》,因為係一個穩定嘅地方。即使趙希洛爸爸喺趙希洛奪獎時表示:「咪都係主角隔籬嗰個啫」;但趙希洛就表示說:「你哋等多陣,等多陣就得架喇,OK?」趙希洛亦以視后為目標,因為定多個目標畀自己,先會更加努力同積極去做。

原文刊登於 Yahoo 娛樂圈

Ad Block
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受