羅家英於傍晚時份抵港，他指楊盼盼受傷一刻只感覺到痛，之後搽了很多燙火膏，「搽到成面都係，好緊張下，因為佢仆喺度，所以燒住隻手，又擦甩咗啲皮」。家英哥就指盼盼的面部不太嚴重，手的傷勢較為嚴重。
同時他又講及這場戲為何需要火燒多間房屋時，他稱︰「呢場戲講我個仔唔聽話，佢想收呢條村，所以搵人放火，之後佢先發現我係佢老豆。」問到拍攝這場放火戲時，他強調現場做足安全措施，而且演員與起火的位置有一段大距離。「做指導個個就潑啲電油，有啲就流落地下，因為落個雨，個地下又濕又有水，水又流到好遠，因為啲電油係水面，佢唔係好多，一路流，我哋都唔知，一點火電油就搶火。一嗌action，啲火就燒埋嚟，啲人睇到火嚟就走唔切，老人家又跌，盼盼又想救埋其他人，如果個下跳高，可能個下就冇事，因為係好薄一層嘅電油。」
家英哥指事發後未有即時向阿姐報平安，但已經約好和對方食飯。
ADVERTISEMENT
立即更新/下載AM730手機APP 體驗升級功能
