韓馬利自揭每日至少帶七八萬出街 鏡頭前大曬厚度 網民：果然係老戲骨
TVB金牌綠葉演員韓馬利（Mary姐）拍過無數經典劇集，2019年先後患上腦膜炎及情緒病後就開始減產；近年更活躍於內地社交平台小紅書，不時拍片分享人生哲理和生活點滴，獲得6.9萬人追蹤。
網民：「下次話帶十三么我都信」
日前，韓馬利拍片自爆每日起碼帶7萬、8萬出街，帶唔夠錢嘅話全身都會唔自在。隨即就喺鏡頭前公開帶7萬、8萬嘅厚度：「你們知不知道，七、八萬有幾厚？給你看吓。」而原來韓馬利所帶嘅係麻雀7萬和8萬，令網民感到嘩然，紛紛留言：「果然係老戲骨，演技騙到晒我哋」、「以為Mary姐真係帶幾疊金牛出街」、「Mary姐你係得嘅！」、「out date起碼20年，帶咁多錢出街」、「下次話帶十三么我都信」、「年輕時候嘅Mary姐」等等。
原文刊登於 Yahoo 娛樂圈
立即更新/下載AM730手機APP 體驗升級功能
