杜德偉(Alex)飛到北京舉行新碟發布會，首度擔任專輯監製的他表示新專輯《起來》花了5年時間去籌備。Alex說：「呢個bb陀咗5年咁耐，繼上次台灣之後，來到北京同大家分享《起來》當中包含既意義，就係要離開舒適圈（comfort zone）。」
在北京的發布會上，除了宣傳新碟，更進行了「起來巡迴演唱會」的啟動儀式，Alex宣布將會在香港入紙紅館舉行演唱會！他說：「無錯！就係我太太有咗第二胎！都係講笑！演唱會呢份喜悅又點少得香港既fans，我會入紙紅館申請場地，在香港舉行演唱會，希望快啲有確定嘅好消息可以同大家講！」
今次亦是繼上次台北站宣傳之後，Alex再次帶仔仔一同開工，AJ在發布會上坐在台下默默支持，一時聽到Alex 的歌又會拍手和應。他笑說：「雖然bb未必知道加油係點解，但聽到就會好窩心！所以今次再帶佢一齊出發，係要訓練AJ做我既私人小助手，而家啲童工唔錯，俾粒糖就開心！哈哈！講笑啦！因為今次在北京宣傳日子都比較長，如果阿仔唔係我身邊，我都會成日心掛掛，加上有太太一齊同行，索性一齊出發！」