毛舜筠表示今個母親節會「攬住細女過」。
毛舜筠及林淑敏昨日出席著名健康食品活動，毛舜筠還分享其保養秘訣：「做運動真係好重要，大家都知道我係業餘運動員嘛，然後充足睡眠都好重要。」
問到奪得影后之後會否加代言費，她表示已經代言這個牌子很久了，和老闆就像家人一樣：「其他要問經理人，呢個就唔加啦。」提到母親節將至，她表示今年大女不在港，只能與細女及老公過，又透露兩個女兒曾在數年前的母親節錄了首英文歌送給她，令她很冧，問到老公有否為她唱歌，她說：「佢咁耐都冇唱歌俾我聽，不過都會冧，各有各冧，(老公平時浪漫嗎?)佢係『區丁平式浪漫』，好似金像獎當晚，佢只係傳咗兩個訊息給我，一個係頒獎前叫我『淡定啲』，另一個係頒獎禮後，問我『高興嗎』不過老公係表面cool，其實好緊張我，所以我都好sweet。」
提到古天樂和劉青雲日前舉行慶功派對，毛舜筠表示十分驚喜，因為沒想過劉青雲會出現：「佢嗰日都玩得好開心，飲咗好多。佢仲同我講，話我二十幾年前就應該拎影后，問我依家拎，係咪冇乜反應？我同佢講：『梗係唔係啦，我超想拎。』」問到獲得影后後，會否挑戰視后，她笑說：「電視劇太辛苦啦。」
曾患上乳癌的林淑敏表示，現時每年會做一次檢查，平日跑步強身健體。