由蔡少芬(Ada)和朱茵、汪明荃（阿姐）主演的《風華背後》今日（17日）舉行拜神儀式。（吳康琦攝）
由蔡少芬(Ada)和朱茵、汪明荃（阿姐）、譚俊彦、黃宗澤、姜大衛及蔡潔等主演的《風華背後》今日（17日）舉行拜神儀式，阿姐相隔十年拍劇，適逢阿姐今個月生日，劇組一眾演員送贈蛋糕預祝阿姐78歲生日。阿姐接受訪問表示：「最緊要健康，同埋新劇順利！」她分享非常期待相隔10年再拍劇，並表示：「有咁多嘅演員都好吸引。」
阿姐相隔十年拍劇，適逢阿姐今個月生日，劇組一眾演員送贈蛋糕預祝阿姐78歲生日。（吳康琦攝）
Bosco指有幸與阿姐和John哥再合作拍劇
阿姐分享這次是第一次與姜大衛（John哥）合作，並笑言：「我細個嗰陣睇好多佢嘅電影，佢喺電視台都好多嘢做，拍好多劇集。今次一齊做兩公婆都有嗌交嘅劇情，有衝突㗎！」阿姐透露新劇中會飾演蔡少芬和朱茵的媽媽。黃宗澤（Bosco）則指自己非常幸運能夠與阿姐和John哥再次合作拍劇。
黃宗澤（Bosco）指自己非常幸運能夠與阿姐再次合作拍劇。（吳康琦攝）
阿姐有擔心Bosco感情狀況
講到蔡少芬期待在新劇中與Bosco演出曖昧的劇情，他表示：「我唔知呀！因為呢個劇本係優化咗成一年，上一年已經出咗初版，但係好似仲爭少少嘢，睇吓編劇點樣令到我哋有曖昧嘅感覺。」阿姐被問到會否擔心黃宗澤的感情狀況，她說：「有啊！等快啲有個人照顧佢，女仔照顧佢就唔同啦！」Bosco則笑言：「其實係我屋企嘅阿媽揀。」
羅家英較早前受訪指阿姐不滿他接受查小欣訪問時「亂講嘢」
阿姐回應羅家英上查小欣節目亂講嘢
羅家英較早前受訪指阿姐不滿他接受查小欣訪問時「亂講嘢」，阿姐回應：「嬲咗佢，嬲得好犀利，鬧佢！其實冇咩嘅，當佢開玩笑。」講到下次會否禁止他發言，她直言：「佢幾十歲人點樣可以制止佢？你哋（傳媒）見到佢快啲行開。」至於羅家英在Edan開演唱會前已經預告會擔任嘉賓一事，阿姐表示：「佢腦裏面完全冇呢個概念，所以覺得咩都講得，佢應該好開心能夠做到Edan嘉賓，應該就係咁。我返到屋企冇話佢，因為我都唔知。」
立即更新/下載AM730手機APP 體驗升級功能
